Kısa Hikaye
0
2.9k GÖRÜNTÜLEME
Devam etmekte
okuma zamanı
AA Paylaş

Anokhi duniya

Chalo bachcho aaj mai apko ek aisi duniya me leke chalti hun jahan se apko wapas aane ka mann hi nai karega. Toh chalo chalte hain us duniyan mein jiska naam hai Anokhi Duniya. Anokhi Duniya ek aisi duniya hai jahan bahut si nadiyan hain aur jharne hain, jungle hain, ped paudhe, janwar sab hain. Ab aap poochoge ki ye to aam duniya me bhi hota hai to isme anokha kya hai? Isme anokha ye hai ki wahan ki nadiyon me pani ki jagah juice behta hai, ek nadi me orange juice, to dusri me strawberry aur kiwi, pineapple juice ki nadiyan behti hain. pedon ki pattiyan bhi chocolate ki bani hain aur pahad icecream ke bane hain. To bolo hai na ye anokhi duniya magar wahan sirf itna hi nai hai wahan jo ghar bane hain wo cake ke bane hain jisme darwaze aur khidkiyan chocolate ki bani hain. Ab aai logon ki baat to wahan ke log jelly se bane hain, haan sach me jelly se hi bane hain jinke aar paar dikhta hai aur unki body me bones nai hain. yahan tak ki janwar bhi jelly ke bane hain.

To ab shuru karte hain kahani jisme ek bachchi jiska naam Milly tha wo apne mummy papa ke sath ek flight me ja rahi thi ki achanak mausam kharab ho gaya aur unka plane crash hogaya. Milly ke mummy papa parachute ke sahare land ho gaye wahin dusri taraf Milly bhi land hui magar Anokhi duniyan me. Milly behosh thi, jab use hosh aaya toh use apni ankhon pe wishwas nai ho raha tha, usne apni ankhen bahut baar mali use laga uski ankhen kharab to nai ho gai kyunki use sab kuch bahut rangeen lag raha tha, orange, green, red aur yellow nadi , pedon me chocolates, ye sab bhala real life me kahan hota hai. Use laga ki wo koi sapna to nai dekh rahi hai. Fir jaise hi usne nadi ka pani taste kia use pata chala ki ye to orange juice hai fir dusri nadi ka taste kia to strawberry wo to khushi se uchalne lagi use apne mummy papa bhi yaad nai the. Fir wo sari nadiyon ka juice

pine lagi, aur fir ped me lagi pattiyon ko tod ke taste kia to wo bhi chocolate ki bani thi. Wah maza aagaya!! wo

khushi se chillai. Fir aage badhi wahan ke ghar dekh kar wo chaunk gai, boli ye to cake se bane hain. Fir wo ek ghar me gai aur doorbell bajai usme se ek jelly se bani hui aurat nikli jo Milly ko dekhkar dar gai aur darwaza band kar dia. Milly bhi use dekh kar excited hui ki jelly ke log bhi hote hain, usne phir bell bajai aur phir jaise hi darwaza khula milly ne bolna shuru kar dia, usne kaha ki mera naam milly hai mera plane crash ho gaya hai to mai apki duniya me aa gai hun aur yahan sab kuch ajeeb magar bahut achcha hai. ye sunkar wo jelly aurat boli ki hume to tum ajeeb lag rahi ho kitni darawni ho tum. Magar tum achche dil ki lagti ho isliye batao hum tumhari kya madad kar sakte hain. Milly ne kaha ki mujhe ek phone karna hai apne papa ko, kya apke yahan phone hai? Phone?? Wo kya hota hai? Milly ne bataya ki kisi door ke insan se baat karni ho aur kuch message dena ho to hum phone istemal karte hain. Oh achcha! us aurat ne kaha. hum log to chidiya ke dwara hi message bhejte hain. Milly ne unse bola ki mera message bhi bhijwa dijiye mere papa ko. Fir milly unko dhanyawad kehkar wahan se chal di. Raste me use icecream ke pahad dikhe. Toh usne usme se icecream khali aur jaise hi piche mudi usne dekha ki ek jelly ka sher use khane ke lie uski taraf aa raha hai. Jaise hi wo use khane wala tha achanak se milly ke kaano me ek aawaz aai Milly! Milly! Ye kya ye to uski mummy ki awaz thi aur milly ki aankh khul gai aur uska sapna tut gaya.

Arey kya hua abhi kahani baki hai bachchon to suno, jab milly so kar uthi aur use bhi lag rha tha ki kya wo sach me ek sapna tha? Fir wo khana khate samay TV dekh rahi thi ki achanak TV me use wahi anokhi duniya dikhi aur wahi aurat dikhi jo use wave kar rahi thi. Milly ki khushi ka to thikana hi nai tha usne bhi chupke se us jelly lady ko wave kia.

Toh bachchon kaisi lagi apko anokhi duniyan.

07 Temmuz 2021 11:50 1 Rapor Yerleştirmek Hikayeyi takip edin
0
Devam edecek...

Yazarla tanışın

Yorum yap

İleti!
AS Ashutosh Shrivastava
Very nice story. Parents must read out during their kid's bedtime.
July 07, 2021, 12:02
~